அப்பாவி ஆண்களின் அலறல்...

நமது நண்பர் லோகு உருகி உருகி காதல் கவிதை எழுதி கொண்டிருக்கிறார். அவர் வெகு விரைவில் இதோ உங்களுக்காக நான் படைத்த இந்த கவிதைகளையும் எழுதுவார். அவருக்கு இந்த "காதல்?" கவிதைகளை சமர்பிக்கிறேன்.

இது நண்பரின் கவுஜைக்கு, எதிர் கவிதை அல்ல. அல்ல.. அல்ல...

ராட்சசிகள்
எப்போதும்
குரூரமாகவே மட்டும்
வருவதில்லை..

நீ அன்று மணவறையில்.....


*********


தினமும் நீ
என்ன கொண்டு
அடிக்கிறாய் என்பதை
ஆவலோடு பார்க்கிறேன்..

அன்றைய 'சேதாரத்தை'தெரிந்து கொள்ள..


***********

நீ 'கன்னம்' வைத்து
பேசும் பேச்சுக்காகவே,
ஒரு நாளில்
மணிக்கணக்கில் இயங்குகிறது

கடை வீதி 'கனகா ஒயின்ஸ்(bar attached)'..


********

பலருக்கு பல் வலியால்
வாய் இளிக்கும்..
இளிச்ச வாயே மருமகனாய் வந்தது

உன் பெற்றோருக்குத்தான்..


********

எடுத்து வீசிய
பின் தான் பிய்ந்தது,
நீ செய்து வைத்திருந்த

பேப்பர் ரோஸ்ட்டு..


********

நீ
கோவிலுக்கு வருவாய் என,
வெள்ளிக்கிழைமை தோறும்
சந்தையை தேர்வு
செய்து கொள்கிறது

'கோயில் யானை'..


*******

நீ 'வாங்க' என்று
இளித்துக் கொண்டு
வரவேற்கும் அழகுக்காகவே
உன் வீட்டிலிருந்து
தினமும் யாரவது வர
வேண்டிக் கொள்கிறோம்

நானும் உன் கைனடிக் ஹோண்டாவும்..


*******

ஊரிலுள்ள பைனான்சியர்கள்
எல்லாம் நம் வாசலில்..
உண்மையை சொல்
போன வாரம்

ஷாப்பிங் போய் இருந்தாயா???


********

எல்லா காட்டு யானைகளும்,
ஊருக்கு உள்ளேயே சுற்றுகின்றன..
உனக்கும்
முதுமலை தான்
பிடிக்கும் என
ஏன் சொன்னாய்??


********

யார் கண்டார்?
உன் வீடு
தெற்கில் இருப்பதால் தான்
சுடுகாடா? ஊருக்கு தெற்க்கே
என்று சொல்கிறார்களோ என்னவோ??


*********

காதலுடன்????