மூன்று கவுஜைகள்

எதிர் வீட்டு ஸ்ரீக்கு இருபத்தி அஞ்சு வயசு..
வேலை இல்லாத வெட்டி ஆபீசர்...
இரு கைகளையும் குறுக்கே கட்டியவனாக
என் முன்னே வந்து நிற்கிறான்..
"மாமா.. உள்ளே என்ன இருக்கு
கண்டுபிடிங்க பார்ப்போம்.."
எத்தனை யோசித்தும் கண்டுபிடிக்காத
முடியாதவனாய் ஏதேதோ சொல்கிறேன்..
"நீயே சொல்லிருப்பா.."
கடைசியாய் தோல்வியை ஒப்புக் கொள்கிறேன்..
"ஒன்ன்ன்ன்...னை கூட விடலியே"
என்று வாய் குவித்து
குற்றாலமாய் வாந்தி..
தோற்றுப் போனதற்காக
வாழ்க்கையில்
முதல் முறையாய்
தண்டனை அனுபவிக்கிறேன்,
நான்தான் வாந்தியை கழுவிவிடனுமாம்...!!!

***************

பாலத்தில் வரும்பொழுது விரூமென்று
என்னை தாண்டிப் போனது ஒரு வண்டி..
பலபேரு ஆரவாரமாய் செல்கிறார்கள்
கோஷங்கள் பலமாக...
தலையில் எதோ கொடியை கட்டியவாறே.....
எப்பாடு பட்டேனும் குவாட்டரும், பிரியாணியும்
பார்க்க வேண்டும் என்ற முடிவுடன்
துரத்தத் துவங்குகிறேன் நான்..
என்னுடைய வேகத்தை விட
அதிகமாய் இருக்கிறது முன்னால்
செல்லும் வண்டியின் வேகம்..
ஏதோவொரு வளைவில் சட்டெனத்
திரும்பி காணாமல் போனது..
ஓட்டிப் போன பரதேசியை
பொறாமையோடு திட்டியவாறே
என் பாதைக்கு திரும்புகிறேன்..
கடந்து போகிறது இன்னுமொரு வண்டி..
மற்றொரு கோஷ்டியை சுமந்தபடி..
மீண்டும் தொடங்குகிறது என் விரட்டல்..!!!

***************

வோல்ட் மங்க்
வோட்கா
மானிட்டர்
மாவா
M.C
VSOP
ஷகீலா
டகீலா
சாராயம்
கள்
டோப்பு
கஞ்சா
கொகேன்
உலகின் சந்தோஷம் அனைத்தும்
பார்த்து சலித்துப் போய் விட்டேன்..
என் போதை தெளிய வேண்டும்,
மனம் நொந்து, வாய் விட்டு
கதறி அழ சோகத்தைத் தா..
கடவுளின் முன் கூனிக்
குறுகியவனாக நின்று இருந்தான்
உலகத்தின் ஹைடெக் மனிதன்..
சிரித்துக் கொண்ட கடவுள்
கைகளைத் தட்டினார்..
"பதிவுலக கவிகள்" பிறந்தார்கள்...!!!