கலைஞர் பகுத்தறிவுவாதியா...!!!

தமிழகத்து அரசியலின்
பல்கலைகழகம்,
கலங்கரை விளக்கம்,
முத்தமிழ் அறிஞர்,
பல்துறை கலைஞர்
கலைஞர் அவர்களை...

விமர்சிக்கும் வித்தகர்கள்,
பகடிபாடும் பாணர்கள்,
விகடம்செய் விற்பன்னர்கள்,
நைச்சியமாக நையாண்டி
செய்திடும் நாரதமுனிகள்
என தரணியிலே
பல்லோருண்டு.

அத்தனைபேருக்கும்
அவரே பதிலடி
கொடுக்கும் அணுகுண்டு.

அவர், எதிர் நின்று
கேள்வி கேட்கும்
திறன் யாருக்குண்டு.

அத்தனை பேரும்
ஓடி காணாமல்
போவார் வெருண்டு.

இந்த சிறார்களை
மன்னிக்கும் மனமும்
அன்பும் அவருக்குண்டு.

பலதளங்கலிலே இருந்து
ஏகடியம் பேசும்
பலரும் வைப்பதுண்டு
ஒரு குற்றச்சாட்டுண்டு
அது
அவர் போட்டிருக்கும்
மஞ்சத்துண்டு.

மஞ்சள் அணிவது
ஒரு குறைபாடா?
பகுத்தறிவின் குறைபாடா?
அல்லது செழுமதியின்
செயல்பாடா

பகுத்தறிந்து பார்த்தால்
அது ஒரு குறியீடு.
அதனுண்மைக்கு எது ஈடு.

கலைஞர்,
பழுத்த அரசியல்வாதி,
பழுத்த தமிழறிஞர்,
பழுத்த சமூகவாதி,
பழுத்த ராஜதந்திரி,
பழுத்த என
சொல்லுங்கால்
எண்ணமதிலே
மஞ்சள் வரவில்லை
சொல்லுங்காள்
மக்களே சொல்லுங்காள்

உலகிற்கு ஒளி
கொடுப்பது இரண்டு
தனல் ஆதவனும்
தண் அம்புலியும்
இரண்டும் பழுப்புநிறம்
கொள்வதுண்டு.

அறியாமை இருள்
நீக்க வந்த இந்த
சூரியன் பழுப்பு நிறம்
கொள்வதிலே என்ன குற்றமுண்டு?

இன்னும் ஒரு
விளக்கம் கொடுத்து
ஒதுங்குகிறேன் என்
கை கொண்டு.

போக்குவரத்து சந்திகளிலே,
சந்திதிருப்பீர் மூவிளக்கு
செந்நிறத்திலே,
பசுந்நிறத்திலே
மதிசால் தலைவர்
சால்வை நிறத்திலே
ஒன்று,
என்று
மூன்று.

சிந்திப்பீர் மக்களே சிந்திப்பீர்
சிந்திக்கும் திறன் பெற்றோரே
சிந்திப்பீர்...

சிகப்பின் அடையாளம்
சிறைப்பட்டு நிற்பது,
பசுமையின் விளக்கம்
பாய்ந்து செல்வது...

இவையிரண்டுமே
வாழ்வை சிறப்பிக்குமா...
ஓரிடத்திலேயே அசையா
குட்டையாக இருப்பதும்,
விளைவை முன்பின்
யோசியாது
பாய்ந்தோடுவதும்
பயந்தோடுவதும்
வாழ்விலே சிறப்பினை
கொண்டுவராது...

எதுவாக இருந்தாலும்,
எந்த சூழலாக இருந்தாலும்,
பொறுமை காத்து
நின்று நிதானித்து,
கவனித்து செய்வதே
சிறப்பாகும்.

நின்று கவனி,
கவனித்து செல்.
அந்த கவனி
என்பதின் குறியீடே...
மஞ்சள் என்பதையும்
நான் உங்களுக்கு
சொல்லவும் வேண்டுமோ?




டிஸ்கி: அடுத்து வேறு ஏதாவது ஒரு பதிவர் நான் லேபில் வைத்து போலே வைக்க முயற்சி செய்தால், அதில் என் பெயரும் இடம் பெறவே இந்த முயற்சி.

இப்பவே ஒத்துகோங்க, நான் இலக்கியவாதி...

இல்லையெனில் இந்த "கலை"வெறி தொடரும்.